Transmetuar më 10-06-2020, 20:18

Duke klikuar KËTU mund të plotësoni formularin që të aplikoni për pagën e luftës.

Drejtoria e Tatimeve ka dhënë detaje se si mund të përfitohet paga e luftës, pak ditë pas skadimit të afatit për 40 mijë lekëshin.

Njoftimi i Drejtorisë së Tatimeve:

Njoftim për individët përfitues sipas Paketës 2, për plotësim të të dhënave të llogarisë bankare

Afati i aplikimit nga tatimpaguesit për përfitim të ndihmës financiare, për punonjësit përfitues, sipas kritereve të VKM nr.305 datë 16.04.2020, i ndryshuar, ishte data 5 qershor 2020.

Në përfundim të këtij afati, Administrata Tatimore informon të gjithë individët të cilët janë përfitues sipas VKM të sipërpërmendur, por që nuk e kanë marrë masën e përfitimit prej 40.000 lekësh, pasi punëdhëni i tyre nuk e ka plotësuar Kërkesën për përfitim të ndihmës financiare, se mund të verifikojnë të dhënat e tyre në listën bashkëngjitur këtij njoftimi.

Çdo individ përfitues ka mundësi të plotësojë të dhënat e llogarisë bankare në linkun këtu. Plotësimi i Formularit të të dhënave bankare është i thjeshtë dhe pas dorëzimit të tij do të vijohet menjëherë me kalimin në mënyrë automatike të masës së përfitimit.