Transmetuar më 03-06-2020, 20:25

Martonte motrën dhe festoi e gëzoi, por më pas në shtëpi e gjeti belaja, pasi i dashuri i saj xheloz e dhunoi keq.

Me t’u kthyer në shtëpi pas dasmës së motrës, ajo u akuzua nga i dashuri se kishte flirtuar gjatë festës me djem të tjerë.

Aron Williams e rrahu me shqelma në trup e fytyrë të dashurën kur çifti u kthye në shtëpi në Aberbargoed, jug të Uellsit.

E reja, Jessica Gittings mbante akoma të veshur fustanin blu të shoqërueses së nuses kur u paraqit me nxitim në spital për të marrë ndihmë pasi kishte pësuar dëmtim të nofullës, përvec të gjitha shenjave të tjera në trup.

‘Pasi u kthyen në shtëpi, sjellja e tij u përkeqësua. Ai ishte xheloz dhe e akuzoi të dashurën për flirtime me një mashkull tjetër ndërsa ishin në dasmë. Ky ishte një sulm i përsëritur ndaj të resë’, tha prokurori në gjykatë

Pas ngjarjes, i riu i kishte shprehur dashurinë të dashurës dhe i kishte kërkuar falje.

‘Unë të dua. Më vjen keq, nuk doja të ndodhte kjo”.

Gjatë deklaratave të tij në polici, i riu pretendoi se kishte vepruar për vetëmbrojtje pasi tha se ‘ajo donte të më gërvishtte’.