Negociatat për Shqipërinë, Varhelyi: Raporti vjetor është shtyrë në vjeshtë
Transmetuar më 19-05-2020, 20:08

Raportet vjetore për Shqipërinë dhe Maqedoninë e Veriut do të publikohen në vjeshtë.

Lajmin e ka dhënë vetë Komisioneri për Zgjerim në Bashkimin Evropian, Oliver Varhelyi.

Ai e ka justifikuar këtë shtyrje me pasojat që ka sjellë koronavirusi në të gjithë botën.

"Konfirmova sot se kornizat negociuese për Shqipërinë dhe Maqedoninë e Veriut do të paraqiten në qershor.

Ndërsa raportet vjetore janë shtyrë në vjeshtë, duke parë edhe zhvillimin e situatës me koronavirusin. Më rëndësi është që zgjerimi të vazhdojë", ka thënë zyrtari i BE-së.

Shqipëria dhe Maqedonia e Veriut kanë marrë miratimin për çeljen e negociatave, por ndryshe nga fqinji ynë, për Shqipërinë janë vendosur edhe disa kushte. /k.k/noa.al/

Loading...