Alo, Dedë! Kinemaja shqiptare humbi aktorin Rikard Ljarja
Transmetuar më 20-04-2020, 23:05

Ndërron jetën në moshën 77-vjeçare aktori i njohur shqiptar Rikard Ljarja. Aktori prej 3 muajsh vuante nga një sëmundje e rëndë dhe nuk dilte nga shtëpia prej kohësh.  Ai ishte bashkëshorti i aktores po të njohur shqiptare Marjeta Ljarja

Rikard Ljarja është është një aktor i teatrit dhe kinemasë shqiptare. Në vitin 1960 mbaroi maturën në Shkodër kurse në vitin 1965 u diplomua në Shkollën e Lartë të Aktrimit “Aleksandër Moisiu”, Tiranë.

Për tetë vite, pas diplomimit, punoi aktor i teatrit në Teatrin “Migjeni” në Shkodër. Prej vitit 1973 deri në vitin 1996 ai ishte aktor, skenarist dhe regjisor i filmave të prodhuar nga kinostudiot. Prej 1996 deri 2002, kur doli në pension, ishte drejtor artistik në televizionin publik shqiptar.

Që prej vitit 1973 ka qenë protagonistë në shumë filma kinematografik, si “Fletë të bardha”, “Pesha e kohës” përkrah Kadri Roshit”, por edhe ka qenë regjisor si në filmi “Skëterr 43”, “Në pyjet me borë ka jetë”, e gjithashtu i madh ka qenë kontributi i tij edhe si skenarist edhe njeri i penës, ku gjatë viteve të fundit ka botuar disa libra. Ljarja gjithashtu ka qenë skenarist për filmat e njohur shqiptarë “Pesha e kohës” dhe “Kur hapen dyert e jetës”.

Alo, Dedë! Rikard Ljarja – "Artist i Merituar" Nje nder personazhet me te goditura te aktorit tone eshte padyshim fillerojtesi, Deda ne filmin "Rruge te bardha", realizuar ne vitin 1974, me regji te Viktor Gjikes. Pra keshtu brenda nje harku kohor prej 8 vjetesh, 1966-1974 Rikard Larja luan personazhin e trete, (mbas atyre te mesuesit hero, marinarit trim dhe atdhetar) duke kthyer ne jete nje tjeter ngjarje reale, ate te Pjetër Llesh Dodes, fillerojtesit te vertete qe ra ne krye te detyres naten e nderrimit te viteve, me 31 dhjetor 1966. Filmi ka hyre me plot merite ne historine e kinematografise shqiptare!

Loading...