Infektimi i njerëzve nga koronavirusi e kaloi shifrën 400 mijë nëpër botë
Transmetuar më 24-03-2020, 17:34

Shifrat e fundit nga e gjithë bota evidentojnë se në orën 17.30 të ditës së sotme ka shkuar në 400964 numri total i personave të identifikuar me koronavirus në 196 vende të botës.

Prej tyre janë shëruar deri tani 103750 persona. Nën mbikëqyrje mjekësore janë 266891 njerëz. Kurse 12358 të tjerë janë në gjendje kritike.

Deri tani janë regjistruar 17480 të vdekur. Numrin më të madh të viktimave e kanë Italia me 6077 jetë të humbura, Kina me 3277, Spanja 2800 dhe Irani 1934.

Numrin më të lartë të të prekurve e ka Kina me 81171 raste e më tej Italia me 63927. Pas tyre regjistrohen SHBA me 48778, Spanja 39676, Gjermania 31370, Irani 24811 dhe Franca 19856.

Numrin më të vogël të të prekurve e kanë vende si Siria, Mianmar, Belize, Eritrea, Mauritania, Somalia, etj., me nga një person të prekur.

Vetëm gjatë ditës së sotme u evidentuan 22183 raste të reja infeksioni dhe 973 të vdekur. Shifrat e 24 orëvetë fundit në Itali dhe Francë ende nuk kanë dalë.

/noa.al/

Loading...