Presidenti Trump: Shumë shpejt rikthejmë jetën normale në SHBA
Transmetuar më 24-03-2020, 09:48

Presidenti amerikan Donald Trump u përpoq përsëri të hënën të qetësonte publikun, duke  thënë se epidemia e koronavirusit nuk do të zgjasë.

Duke folur nga Shtëpia Bardhë me anëtarë të grupit të punës për koronavirusin, zoti Trump tha se administrata e tij po punon për hapat e ardhshëm, për rihapjen e bizneseve dhe aspekte të tjera të shoqërisë, sapo të përcaktojnë ekspertët e shëndetësisë se distanca sociale nuk është më e nevojshme.

"Vendi ynë nuk është i tillë që të paralizohet. Amerika së shpejti do të rihapet”, tha ai.

Presidenti shtoi se kjo do të ndodhë “shumë më herët se tre-katër muaj”, që kanë thënë disa.

Presidenti Trump e bëri këtë parashikim, pavarësisht nga këshillat e zyrtarëve të shëndetësisë, përfshirë ekspertin më me peshë të sëmundjeve infektive, Dr. Anthony Fauci, që kanë thënë se në Shtetet e Bashkuara pandemia nuk ka arritur ende pikën kulmore.

Zoti Trump përsëriti gjithashtu komentet se është e rëndësishme që të mbrohet komuniteti aziatiko-amerikan në Shtetet e Bashkuara.

Numri i viktimave nga koronavirusi në një ditë të vetme në Shtetet e Bashkuara, ishte të hënën për herë të parë më i lartë se 100, pra 140, me numrin e përgjithshëm të konfirmuar 553 dhe mbi 43, 700 të infektuar.

Press Briefing with Coronavirus Task Force

Watch today's press briefing with the Coronavirus Task Force LIVE at 5:30 p.m. ET!

Publiée par The White House sur Lundi 23 mars 2020

Loading...