Një tjetër person rezulton me koronavirus në Kosovë, si u infektua
Transmetuar më 20-03-2020, 16:19

Pandemia e koronavirusit ka prekur edhe Kosovën, e cila sot ka konfirmuar një rast të ri sot duke e çuar numrin total të të infektuarve në 22.

Infeksionisti Valbon Krasniqi konfirmoi për median kosovare ‘Zëri’ se bëhet fjalë për një person që është infektuar nga kontakti me të afërmit.

“Mund të ju konfirmoj se e kemi edhe një të prekur me koronavirus. Është familjar i të infektuarve me kosonavirus nga Malisheva”, tha Krasniqi.

Ndërkohë IKSHPK ka bërë thirrje që njerëzit të respektojnë rekomandimet me qëllim që të ndalohet përhapja e pandemisë.

Në një konferencë, i thotë gazetarëve që duhet të jenë në krye të detyrës që të respektojnë distancën prej 2 metrash. Ndërsa njerëzit e tjerë të qëndrojnë në shtëpi dhe të mos marrin pjesë në ahengje, ceremoni mortore apo fetare.

Njoftimi i plotë:

APEL MEDIAVE: KENI OBLIGIM TË MOS GRUMBULLOHENI DHE TË MBANI DISTANCË.

BASHKËPUNONI ME NE, ME QËLLIM TË MOS KRIJIMIT TË PANIKËS NË POPULLATË!

NA NDIHMONI PAK QË TË JU NDIHMOJMË SHUMË!

IKShPK shpreh shqetësimin për mos mbajtjen e distancës edhe nga pjesëtarët e MEDIAS, për lëvizjet e shumta dhe grumbullimet e qytetarëve në qytet, parqe dhe vende rekreative të hapura, të cilat mund të rrezikojnë shëndetin e popullatës dhe përhapjen e COVID-19, e cila aktualisht është e lokalizuar.

NË MËNYRË RIGOROZE MBANI DISTANCËN SOCIALE PËR 2 METRA NGA NJËRI TJETRI! NDALOHEN TË GJITHA TUBIMET PËR AHENGJE, CEREMONI MORTORE DHE FETARE!

Nëse nuk u përmbahemi masave të rekomanduara më herët nga MSh dhe IKSHPK për qëndrim në shtëpi, respektim të masave higjienike dhe të distancimit social, atëherë rrezikojmë të kemi përhapje komunitare.

TA PARANDALOJMË KËTË!

QYTETARË QËNDRONI NË SHTËPI, KJO UA SHPËTON JETËN!

Në këtë situatë vetëdija dhe ndihma e juaj është e domosdoshme. Mbani distancë nga tjetri. Reduktoni daljet veç në raste emergjente. Ndiqni rekomandimet nga Ministria e shëndetësisë dhe Instituti kombëtar i Shëndetësisë Publike të Kosovës.

1. IKSHPK, thekson se nuk ka vend për panik, por për kujdes të shtuar duke përsëritur rekomandimet:

• Shmangni kontaktet e ngushta me njerëzit që vuajnë nga infeksione akute të frymëmarrjes! • Sa të jetë e mundur shmangni përshëndetjen me shtrëngim të duarve! • Shmangni përqafimet dhe puthjet për aq kohë sa jeni në rrezik nga infeksionet respiratore! • Lani shpesh duart, veçanërisht pas kontaktit të drejtpërdrejtë me njerëzit e sëmurë ose në vendqëndrimin e tyre! • Lani duart porsa hyni në shtëpi! • Lani duart para fillimit të përgatitjes së ushqimit! • Lani duart pas përdorimit të tualetit! • Lani duart sa më shpesh me ujë e sapun 20-30 sekonda, veçanërisht pas kontaktit të drejtpërdrejtë me njerëzit e sëmurë ose në vendqëndrimin e tyre! • Evitoni përdorimin e tualeteve publike! • Lani duart sa herë që teshtini apo kolliteni! • Shmangni prekjen e fytyrës dhe mbuloni gojën dhe hundën me faculetë, me mëngë ose parakrahë gjatë kollës dhe teshtitjes. Pastaj hudhni faculetat e përdorura në shportën më të afërt të mbeturinave! • Nëse keni ethe, kollë dhe vështirësi në frymëmarrje kërkoni menjëherë ndihmë mjekësore dhe tregoni historinë eventuale të udhëtimit jashtë vendit! • Personat e sëmurë duhet të qëndrojnë në shtëpi në mënyrë që të parandalohet përhapja e sëmundjes! • Mos frekuentoni ambientet mbyllura dhe të mbingarkuara me njerëz! • Pini sa më shumë ujë, lëngje, çaj me limon!

Loading...