Tragjike në Itali/ Po kthehej nga turni i natës, shqiptari gjen vdekjen në mes të rrugës (EMRI)
Transmetuar më 13-02-2020, 19:28

Një aksident i rëndë i ka marrë jetën shqiptarit të identifikuar si Endri Zaimi në Itali.

Ngjarja ka ndodhur sot në orës 7 të mëngjesit në Belluno të Italisë, ku 25-vjeçari u përplas me një kamion.

I riu shqiptar po kthehej nga puna pasi ishte turni i natës dhe po drejtonte makinën tip Volvo V50. Ndërsa shoferi i kamionit që po transportonte materiale ndërtimi nuk u lëndua.

Endri Zaimi me gruan dhe dy fëmijët jetonte në Itali, në zonën e njohur si Alpago.

Zjarrfikësit mbërritën menjëherë në vendngjarje dhe e nxorrën nga makina, por 25-vjeçari kishte vdekur në vend.

Policia vijon hetimet për të mësuar rrethanat që shkaktuan aksidentin tragjik./a.m/noa.al

Loading...