Tatimet do t’u kërkojnë bizneseve që bashkë me dorëzimin e bilanceve vjetore, të depozitojnë edhe emrin dhe kartën e identitetit të financiares, ekonomistes, ose personit që ka bërë hartimin e bilancit.
Udhëzimi i ri do të hyjë në fuqi brenda muajit shkurt dhe synon të forcojë luftën kundër evazionit fiskal.
Aktualisht përgjegjësinë për mashtrimin e të dhënave të pasqyrave financiare që dorëzojnë kompanitë e mbajnë vetëm administratorët e firmës.
Por mësohet se me ndrryshimet ligjore, synohet zgjerimi i përgjegjësive edhe te financieri, i cili bën deklarime të pasakta me qëllim shmangien e pagesës së taksave.
Mbetet disi e paqartë ky lloj ndryshimi, pasi asnjë financier nuk besohet se i bën bilancen fiktive pa miratimin nga lart.
Gjithsesi, me këtë nisëm, tatimet do të mbledhin brenda korrikut të këtij viti të dhënat e llogarive financiare që kanë në banka apo institucione të tjera personat jo-rezidentë që banojnë në Shqipëri.
Fokusi do të përqendrohet te tatimpaguesit e mëdhenj, për të parë nëse kanë paguar në përputhje me ligjin taksat në Shqipëri.
Mësohet se 2019-ta u mbyll me një bilanc negative të mosrealizimit të tyre me 240 milion dollarë.
Rritja e të ardhurave në buxhet është një nga sfidat e autoriteteve fiskale.
/NOA.al