Mbrëmjen e sotme kanë ndodhur dy ngjarje të njëpasnjëshme në Vlorë, ndonëse pa lidhje me njëra-tjetrën.
Një automjet është aksidentuar dhe ka rënë në një kanal në fshatin Risili të Vlorës.
Automjeti nga përplasja ka marrë flakë.
Por raportohet se drejtuesi i automjetit fatmirësisht ka dalë nga makina para se ajo të përfshihej nga flakët.
Në vendin e ngjarjes mbërritën zjarrfikësit, që po e shuajnë zjarrin.
Ndërkohë dhe policia po heton shkaqet e aksidentit, duke marrë në pyetje drejtuesin e automjetit tip Mercedes me targa VL 1836 C.
Sakaq, në Vlorë, një dyqan i riparim televizorëve raportohet se është përfshirë nga flakët mbrëmjen e sotme.
Edhe në këtë ngjarje është dashur ndërhyrja e zjarrëfikësve.
Ndonëse janë rregjistruar dëme materiale, zjarrfikësit kanë bërë të mundur fikjen e zjarrit, për të mos u përhapur më tej në pallat. /NOA.al