Gjatë qëndrimit në Izrael, Presidenti Ilir Meta u takua me Presidentin e Bullgarisë, Rumen Radev.
Në bisedë, Meta e falenderoi homologun belg për solidaritetin dhe ndihmën e ofruar nga autoritetet bullgare pas tërmetit të 26 nëntorit 2019.
Në javët e ardhshme, Presidenti Radev do vizitojë Tiranën, ku do të konfimohen marrëdhëniet e shkëlqyera midis dy vendeve dhe popujve tanë.
Presidenti Meta vlerësoi mbështetjen e vazhdueshme të Bullgarisë për integrimin euroatlantik të vendit tonë, duke nënvizuar se “besojmë fuqishëm në qëndrimin mbështetës të Bullgarisë për çeljen e negociatave të pranimit të Shqipërisë në Bashkimin Europian, në Samitin e Zagrebit, në maj të këtij viti”.
Presidenti Meta dhe Presidenti Radev u dakordësuan se nxitja e projekteve për Korridorin 8 duhet të jetë në qendër të bashkëpunimit mes dy vendeve.