Presidentja në largim e Kroacisë: Korrupsionin ne po e nxisim edhe me nxënësit, që i lejojmë të kopjojnë
Transmetuar më 14-01-2020, 00:04

Duke u tallur me dijen, e duke vlerësuar apo lejuar fëmijët të abuzojnë, kjo na bën të përgatitemi për një shoqëri të korruptuar.

Por nëse shkatërrojmë edhe universitetet, ka një shpjegim pse jemi shoqëi e kurriptuar dhe e pranojmë atë.

Sipas një ankete, 59 për qind e kroatëve besojnë se jeta e tyre e përditshme është e prekur nga efektet e korrupsionit, shkruan “The Guardian”.

Nëse Kroacia e ngre këtë problem, nuk kuptohet se përse në Shqipëri nuk gjenden shkaqet, në një kohë kur arsimi është kthyer "mall" dhe notat e diplomat kanë vite që kanë dalë në "pazar të hapur".

Presidentja në largim e Kroacisë, Kolinda Grabar-Kitaroviç ka thënë se korrupsioni në shoqërinë kroate është i rrënjosur në shkolla, ku fëmijët që arrijnë të kopjojnë në teste cilësohen si "heronj".

Gruaja me pozitën më të lartë në shtetin ballkanik, e cila do të largohet nga pozita zyrtare muajin e ardhshëm pas humbjes në zgjedhje, tha se rastet e korrupsionit mund të gjenden gjithandej në shoqërinë kroate, por ato fillojnë në bankat e shkollës.

“Ata që përgatiten për të kopjuar vlerësohen si heronj. Këtu fillon korrupsioni, te fëmijët. Ata kërkojnë mënyra se si të përballen me sistemin dhe nuk ka të bëjë vetëm me politikën. Është shumë më mirë sesa ka qenë, por nuk është vetëm politika”, tha Kitaroviç gjatë një konferencë.

Kroacia është vend i BE-së dhe ka bërë hapa shumë të rëndësishëm në betejë ndaj korupsionit në nivele të larta, megjithatë shqetësimin e ngrenë autoritetet më të lartë të këtij vendi

Muajin e kaluar, ish-kryeministri i Kroacisë, Ivo Sanader, pjesë e qeverisë së të cilit ishte edhe Grabar-Kitaroviq, në rolin e ministers, u dënua me gjashtë vjet burgim pasi u shpall fajtor për marrjen e 10 milionë eurove ryshfet në këmbim të dhënies së një pjese të madhe të aksioneve një kompanie të naftës brenda një kompanie tjetër të sapoprivatizuar.

Grabar-Kitaroviq tha se ajo nuk ka marrë pjesë në vendimet e mëdha gjatë pushtetit të Sanader-it dhe nuk ishte e informuar për rastin e korrupsionit të ish-kryeministrit.

/NOA.al

Loading...
Loading...