“Flas se po plas, në teatër luan vetëm gruaja e vet”, Olta Gixhari tregon hapur pakënqësinë me drejtorin Hervin Çuli
Transmetuar më 07-01-2020, 18:06

Aktorja e njohur Olta Gixhari ka folur publikisht për drejtimin e "Teatrit Kombëtar" nga Hervin Çuli, me të cilin nuk është aspak e kënaqur.

Arsyeja është se rolet i merr vetëm gruaja e tij, Adelina Muça.

"Unë po them një bombë tani që s’e kam thënë kurrë por unë mendoj se Art Turbina dhe Teatri Kombëtar nuk ka për të bërë hajër derisa të ndërrohet drejtori i Teatrit Kombëtar që është Hervin Çuli. Nuk ka për të bërë hajër! Qëkur ka ardhur ai njeri në Teatër, politikat në teatër kanë ndryshuar, shfaqjet janë dobësuar, premiera s’ka, luan vetëm gruaja e vet në atë teatër, vetëm gruaja e vet. Dhe unë nuk e kuptoj se si askush nuk e shikon këtë nepotizëm të hapur. Në teatrin Kombëtar qëkur është vënë ai drejtor, nuk ka bërë asnjë mbledhje. Unë nuk e di se kush janë kolegët e mi", u shpreh Olta Gixhari në emisionin ‘Siluetë’.

E pyetur nëse është ballafaquar ndonjëherë, aktorja shtoi se do marrë përsipër që të flasë me të tjerë, por duhen marrë masa.

"Rrogat janë qesharake dhe prandaj i respektoj pa masë. Punën nuk ma dha ai. Nuk është bërë njëherë një mbledhje. Unë se di kush janë kolegët e mi. Teatri është ansambël, përderisa e paguan duhet t’i gjesh punë dhe rol. Praktikisht TK duhet të marri masat. Dhe të bëhen disa premiera në vit. Janë 2-3 fytyra që luajnë gjithmonë. Unë tani po flas se po plas. Falë Zotit që nuk e kam nevojë jetësore se do isha shumë… Kam jetuar me televizion, me reklamë me filma. Unë s’kam bërë asnjëherë jetë luksi. Nuk mbahem",shtoi Olta. /noa.al/

Loading...
Loading...