Transmetuar më 25-11-2019, 10:26

Disa ditë më parë një turist australian u kap duke urinuar në oborrin e brendshëm të Palazzo Vecchio në Firence.

Burri, një gjashtëdhjetë e gjashtë vjeçar, ishte fshehur pas derës në Via della Ninna ku po zhvishej dhe gjesti i tij nuk kaloi pa u vënë re. Ai u spikat nga agjentët e zonës qendrore, të cilët më pas vazhduan ta gjobisin.

Një gjobë prej 3300 euro që turisti australian nuk mund të shmangte, pavarësisht se ishte përpjekur të mbrohej me policinë bashkiake duke sqaruar arsyen e gjestit të tij.

Turisti do të ishte përpjekur të justifikojë veten duke i deklaruar policisë bashkiake se vuante nga prostatiti dhe për këtë arsye ishte detyruar nga urgjenca.

Ai nuk e kishte pasur kohën, me pak fjalë, të kërkonte një banjë. Por kjo nuk ndihmoi për të shmangur gjobën maksimale.

Për Australianin, procesverbalet u morën për veprime të turpshme në një vend publik, një krim për të cilin parashikohet një gjobë prej mbi tre mijë euro.

Padyshim që nuk është hera e parë që dikush e gjen veten duke kryer akte të ngjashme në vende publike, ndër të tjera, me vlera të mëdha historike dhe artistike./b.l/noa.al/