Shalli i ngec në mikser duke përgatitur tortën për djalin, nëna vdes e mbytur
Transmetuar më 13-11-2019, 13:37

Kishin vendosur që të përgatisnin një ëmbëlsirë bashkë, kur krejt papritur ndodhi tragjedia.

Që të gjithë përbërësit ishin mbi banakun e kuzhinës dhe ishin gati për tu përgatitur.

Por në një moment për të fituar kohë, gruaja përdori mikserin për të përzierë përbërësit, kur dhe ndodhi diçka absurde. Nëna gjeti vdekjen para syve të të birit. Gjithçka pasi shalli i saj u bllokua në mikserin e kuzhinës.

Gruaja 58-vjeçare gjeti vdekjen mëngjesin e kësaj të hënë, rreth orës 10.30, e mbytur me shallin e saj, të cilin e tërhoqi mikseri.

Ishte në kuzhinën e shtëpisë së saj me djalin adoleshent 15-vjeçar, në shtëpinë e tyre në Saint-Etienne, të Francës, shkruan noa.al.

Djali lajmëroi ndihmën e shpejtë dhe aty të riut i rekomanduan që të priste shallin e nënës, por pavarësisht kësaj, gruaja gjeti vdekjen. /a.y/noa.al/

Loading...
Loading...