Pesë persona janë proceduar penalisht, pasi dyshohet se kanë ushtruar dhunë fizike ndaj pronarit të një lokali në qytetin jug-lindor.

Sipas policisë shtetasit S.M.,26 vjeç; E.M., 28 vjeç; A.S., 25 vjeç; F.M., 26 vjeç, Ç.K, 26 vjeç, banues në fshatin Memëlisht dhe Çervenakë, Pogradec, të akuzuar se rrahën pronarin dhe thyen lokalin po procedohen në gjendje të lirë për akuzat, “Plagosja e lehtë me dashje” dhe “Shkatërrimi i pronës”.

Njoftimi i policisë:

Në vijim të informacionit datë 09.11.2019, i cili bën fjalë për konfliktin e ndodhur në një lokal, në fshatin Dunicë, specialistët e Seksionit për Hetimin e Krimeve, në Komisariatin e Policisë Pogradec pas veprimeve hetimore të kryera me qëllim zbardhjen e plotë të rrethanave të kësaj ngjarje, filluan procedimin penal në gjendje të lirë edhe ndaj 5 shtetasve të tjerë, të dyshuar si të përfshirë në konflikt, konkretisht:

S.M.,26 vjeç; E.M., 28 vjeç; A.S., 25 vjeç; F.M., 26 vjeç, Ç.K, 26 vjeç, banues në fshatin Memëlisht dhe Çervenakë, Pogradec.

Procedimi ndaj tyre filloi pasi dyshohet se, këta shtetas për motive të dobëta, kanë goditur me grushta shtetasin E.Ç, 39 vjeç, si edhe kanë thyer xhamat e lokalit në pronësi të tij.

Materialet në ngarkim të tyre i kaluan Prokurorisë pranë Gjykatës së Shkallës së Parë Pogradec për veprat penale “Plagosja e lehtë me dashje” dhe “Shkatërrimi i pronës”.