“Ndihmë, mami do të më vrasë!” Një telefonatë në numrin e policisë, i mori jetën një fëmije 7 vjeç, në Henderson, të Nevada, SHBA.

Nëna 37-vjeçare, Claudia Nadia Rodriguez, e kishte qëlluar djalin me thikë, por më pas gjeti vdekjen nga të shtënat e policisë, e cila mbërriti në vendin e ngjarjes.

Ngjarja e rëndë është shënuar në 21 tetor, ndërsa tashmë policia e Henderson, ka publikuar audion e telefonatës në polici dhe pamjet e kamerave të trupit të policëve që ndërhynë.

Gruaja u gjet e zhveshur dhe e acaruar, ndërsa u vra me dy të shtëna nga një polic. Në pamje shihet se si Rodriguez, kishte arritur që t’iu merrte armën një nga dy policëve, Edward Little e Patrick McCarrick.

Si pasojë e plagëve të marra, gruaja gjeti vdekjen në spital. E dyshuara kishte precedentë penalë për dhunë në familje dhe në vitin 2015, ishte arrestuar katër herë.

“Të lutem, mos më bëj keq”, dëgjohej fëmija në telefonatën e bërë në polici. Vogëlushi u qëllua së paku 25 herë me thikë, por arriti që të shpëtojë pas një ndërhyrjeje delikate. /a.y/noa.al/