Kishte abuzuar me bebe 6 muajshe, vdes në burg pedofili 32 vjeçar
Transmetuar më 08-11-2019, 11:20

Ai vdiq pas tentativës për vetëvrasje në burgun e Parc, në Bridgend, Uells. 32-vjeçari Jared Perry, i konsideruar si një nga pedofilet me rrezik më të lartë në të gjithë vendin, po vuante një dënim 17 vjet pasi u akuzua për abuzim seksual të fëmijëve shumë të vegjël, rreth gjashtë muajsh.

Gjykatësi që e dënoi atë në janar të vitit të kaluar deklaroi se ai "e konsideronte atë një rrezik serioz për sulme të reja seksuale në të ardhmen", duke justifikuar kështu dënimin e caktuar për të. I transferuar me urgjencë në spital, ai vdiq menjëherë pas 3 nëntorit, siç raportohet në shtypin lokal.

Një dosje hetimi është hapur për të hedhur dritë mbi atë që ndodhi. Perry ishte një nga pedofilët më të njohur në Skoci. Midis viktimave të tij ka djem dhe vajza që ishin më pak se gjashtë muajsh.

Ishte ai vetë që e prezantoi veten në policinë Aberystëyth dhe, pasi kërkoi të fliste me një oficer, ai rrëfeu atë që kishte bërë, duke theksuar se kishte vite që ishte i varur nga pornografia, pasi jetonte në një mjedis shumë të rreptë familjar dhe të vëmendshëm ndaj rregullave.

Ai gjithashtu filloi të abuzonte me drogat dhe përshkruhej si një individ "manipulues". Asnjë detaj tjetër mbi vdekjen e tij nuk është zbuluar, por ato do të zbulohen vetëm në fund të hetimit të çështjes./b.l/noa.al/

Loading...
Loading...