Ata i dhanë shumë futbollit tonë ndër vite, si lojtarë dhe trajnerë.
Dhe meritojnë nderim. Presidenti i Republikës, Ilir Meta, dekoroi me Titullin "Mjeshtër i Madh", katër personalitete të futbollit shqiptar, Faruk Sejdinin, Ilias Çeçon, Skënder Gegën dhe Gani Merjan.
Mesazhi i Presidentit Meta, pas dekorimit"
"Mes shumë emocionesh, pata sot nderin dhe kënaqësinë, të vlerësoj me Titullin “Mjeshtër i Madh” katër kampionë të futbollit shqiptar, që me dashurinë për sportin, shpirtin e ekipit, pasionin dhe krenarinë për të dhënë më të mirën për Kombëtaren Kuqezi, kanë frymëzuar gjenerata sportistësh dhe të rinjsh:
Ilias Çeçon, “dirigjentin” e madh të “Dinamos” dhe Kombëtares së viteve ’60-’70;
Faruk Sejdinin, mbrojtësin e jashtëzakonshëm taktik, modern dhe inteligjent të “Dinamos” dhe ekipit Kuqezi;
Skënder Gegën, futbollistin kampion të “Partizanit”, por edhe trajnerin e suksesshëm që u riktheu të kuqve pas gati çerek shekulli titullin “Kampion”;
Dhe të paharruarin Gani Merja, lojtarin e përsosur të “Partizanit” dhe ekipit Kombëtar.
Çeço, Sejdini, Gega dhe Merja janë shembuj vlerash të pamohueshme për brezat e rinj, për të kuptuar se pa sakrifica, pa pasion dhe pa profesionalizëm nuk mund ketë të sukses", theksoi Presidenti Meta, pas dekorimit të katër personaliteteve të shquara të futbollit tonë./NOA.al