Shmanget një tragjedi si ajo e Essex, zbulohen 41 migrantë të fshehur në një kamion-frigorifer në Greqi
Transmetuar më 04-11-2019, 14:43

Disa ditë pas lajmit tronditës se 39 Vietnamezëve të gjetur të vdekur brenda një trajleri frigorifer në Essex, në qytetin Xanthi në Greqi është shmangur një tragjedi e ngjashme.

Siç bëhet e ditur, sot policia greke gjeti 41 migrantë të fshehur në një kamion frigorifer në autostradën në veri të Greqisë.

Migrantët, shumica e tyre afganë, nuk kanë pësuar lëndime gjatë këtij lloji të transportit, tha një nga zyrtarët, duke shtuar se sistemi i ftohjes nuk ishte i ndezur, raporton REL

Policia ndaloi kamionin për një kontroll të rregullt, në një autostradë afër qytetit verior Grek të Xanthi. Pas zbulimit të migrantëve brenda kamionit, policia arrestoi shoferin dhe migrantët u dërguan për identifikim në një stacion të policie.

Shumica e migrantëve që arrijnë në Greqi, largohen nga luftërat në Siri, Irak dhe gjetkë. Autoritetet greke po përpiqen të përballojnë një rritje të mprehtë të numrit të migrantëve në ishujt e saj lindorë.

Kampet e financuara nga BE-ja në Greqi, janë të mbipopulluara dhe në shumë raste janë shënuar incidente të dhunshme dhe viktima./b.l/noa.al/

Loading...
Loading...