Fundi i pushimeve dhe kthimi në punë mund të ndikojnë shumë në nivelin tonë të stresit. Dhe në këto kohë është shumë e zakonshme ta hidhni veten drejtëpërdrejtë në ushqim për të kërkuar një lloj rehatie. Zakonisht, si antistres konsiderohet çokollata, por në realitet është një ushqim plot yndyrna dhe sheqerna dhe, pas një momenti të parë euforie, nivelet tona të stresit do të rriten sërish.

Kjo është arsyeja pse është e rëndësishme të zgjidhni ushqime të shëndetshme që, falë vetive të tyre medicinale, do të ndihmojnë trupin tonë të rrisë hormonet dhe të zvogëlojë nivelin e kortizolit, nxitësi kryesor i ndryshimeve të humorit tonë.

Ushqimet që duhen ngrënë, kur ju jeni të stresuar:

Spec djegës- Ky përbërës ndihmon në uljen e kortizolit në gjak, që është hormoni i stresit.

Domate- zvogëlojnë kortizolin. Është gjithashtu një burim i rëndësishëm i livopenit, një substancë që mund të zvogëlojë depresionin dhe të parandalojë inflamacionin dhe mpiksjen e gjakut.

Spinaq- Gjethet e tyre të gjelbërta janë të pasura me folate, të cilat ndihmojnë trupin të prodhojë serotonin dhe dopaminë, duke rregulluar gjendjen shpirtërore. Spinaqi është gjithashtu i pasur me magnez, i cili ndihmon në uljen e presionit të lartë të gjakut.

Avokado- Ky frut përmban 20 lëndë ushqyese thelbësore për shëndetin, përfshirë kaliumin, vitaminën E, vitaminat B dhe acidin folik. Gjithashtu jep ngopje gjatë ditës dhe rregullon nivelin e sheqerit në gjak.

Çokollatë e errët- Shpesh trupi ka mungesë të magnezit. Kjo është arsyeja pse kemi ankth dhe stres. Në këtë rast, një copë çokollatë e errët mund të jetë një ilaç i mirë kur ndjeheni nervoz ose të stresuar. Gjëja e rëndësishme është që ai përmban të paktën 70% kakao.

Patate të ëmbla- Ato janë një burim i mirë i L-triptofanit, një aminoacid që trupi shndërron në serotonin.

Farat e susamit- Farat e susamit përmbajnë rreth 10 mg zink për çdo shërbim prej 100 g, pavarësisht nëse janë të papërpunuara ose të thekura, ato janë gjithashtu një bekim kur jeni në ankth apo stres./b.l/noa.al/