Transmetuar më 12-10-2019, 21:26

Sergio Ramos ka hyrë në historinë e përfaqësueses së Spanjës.

Legjenda e Real Madridit, është bërë lojtari që numëron më shumë ndeshje me Kombëtaren e Spanjës.

Mbrojtësi i Real Madridit e nisi titullar takimin eliminator të Euro 2020 ndaj Norvegjisë në transfertë. Në moshën 33-vjeçare, futbollisti energjik arrin 168 ndeshje me “La Rojan”, duke lënë pas Iker Casillasin, që ka një më pak.

Prej 14 vitesh në përfaqësuese, Ramos bëhet lojtari me më shumë ndeshe në historinë e Spanjës. Pas barazimit të rekordit të Casillasit, Ramos ishte: Objektivi im është të arrij 200 paraqitje me Spanjën. Ndaj Norvegjisë Ramosi luajti ndeshjen e tij të 46-të si kapiten.

Lojtarët që numërojnë më shumë ndeshje te Spanja janë: Ramos (168), Casillas (167), Xavi (133), Andres Iniesta (131), Andoni Zubizarreta (126), David Silva (124), Sergio Busquets (115), Xabi Alonso (114), Fernando Torres, Cesc Fabregas (110), Raul Gonzalez (102) dhe Carles Puyol (100).