Transmetuar më 06-10-2019, 22:23

Këngëtari shumë i dashur për publikun Redon Makashi para pak kohësh është shprehur se dëshiron të ketë një shtëpi druri në mes të pyllit ku të jetojë me njeriun e zemrës.

Mirëpo për planet e martesës ai nuk ndjehet.

Mbrëmjen e djeshme ai është një ndër të ftuarit në puntatën e dytë të emisionit ‘Shiko kush luan’ në moderimin e Luana Vjollcës.

Redoni është pyetur nga Luana në lidhje me martesën.

‘Tani të të kem në skenë dhe mos të të bëj pyetjen legjendare, nuk ka shanse. Kur do të martohesh si përfundim?’, e pyet moderatorja.

Në një moment të tillë në skenë kanë nisur të qeshurat dhe Redoni disi i vënë në siklet thotë:

‘Kur të martohet Rezi do të martohem unë’, duke iu referuar Rezart Veleshnjës dhe duke e anashkaluar dhe njëherë tjetër të folurit rreth martesës.