Lame flet për momentin me Blendi Fevziun: Kur mori shkopin mendova se do më bjerë
Transmetuar më 06-10-2019, 17:36

Me siguri të gjithëve u kujtohet momenti kur Blendi Fevziu i bërtiste në ‘Opinion’, në vitin 2013, drejtorit të Agjencisë Shtetërore të Kadastrës, Artan Lame, asokohe kreu i ALUIZNI-it.

Me shkop në dorë, Fevziu bërtiste “Pushooo, pushooo”. Kjo frazë për një kohë të gjatë u kthye në refren për të gjithë. Ndërkohë, këtë moment e ka kujtuar vetë Lame, teksa ka qenë i ftuar ne emisionin “Mos i fol Shoferit “, të Rudina Dembacajt.

Lame ka treguar se si e përjetoi debatin në studion e Blendi Fevziut, teksa thotë se për një moment mendoi se Fevziu do i binte me shkop.

“Jam shumë nevrik por zakonisht kur janë kamerat përmbahem për të qënë politikisht korrekt” u shpreh ai.

“Unë tashmë ushtroj, ushtrime nervash për të kalitur veten, pastaj ai që unë kisha përballë ndjestë pastë Sokoli ishte kundërshtarë i dobët se bëhej fjalë për rrugët në 2013. Kur Fevziu merr shkopin thashë erdhi të më bjerë e po shikoja objektet që kisha rreth për t’ia hedhur kokës , për t’ju kundërpërgjigjur. Po ishte një skenë e bukur”, ka thënë Lame.

Loading...
Loading...