Gjonaj: Amnisti për gratë e dënuara, kush përfiton nga projektligji
Transmetuar më 20-09-2019, 09:43

Ministrja e Drejtësisë, Etilda Gjonaj ka zhvilluar sot një interpelancë me gratë, të cilat vuajnë dënimin në IEVP “Ali Demi” në kryeqytet.

Ky projektligj ka si prioritet gratë, ndërsa Gjonaj dha detaje se kush prej tyre përfiton nga kjo amnisti. Sipas Gjonajt, në projektligjin e ri janë parashikuar masa lehtësuese për të gjitha gratë, që iu ka mbetur më pak se tre vjet koha e dënimit.

“Është përgatitur një studim duke marrë një për një kartelën ligjore për të gjitha gratë dhe kemi parë periudhën që iu ka mbetur. Ne do të arrijmë në konkluzionin se grave që ju ka mbetur  nën tre vjet burg do të rishikohen me amnisti”, shprehet Gjonaj.

Më tej ajo theksoi se një ndër kriteret e amnistisë është edhe mosha, ku parashikohet që përfitime nga amnistia do të kenë edhe gratë që janë në moshën 55-vjeçare.

“Po shihet edhe kriteri i moshës. Gratë që kanë mbushur moshën 55 vjeç, por duke marrë edhe kohën e dënimit në tre vjet, por edhe ato që janë nën tre vjet do përfitojnë nga amnistia. Amnistia e përgjithshme është një fakt që iu gëzon shumë”, tha Gjonaj./b.l/noa.al/

Loading...
Loading...