Pas denoncimit se i kërkoi favore seksuale studentes, shoqërohet në polici pedagogu Denis Himçi
Transmetuar më 17-09-2019, 23:48

Policia e Elbasanit ka shoqëruar në komisariat pedagogun e universitetit të këtij qyteti Denis Himcin pas publikimit në media të një video-përgjimi ku dëgjohej teksa i kërkonte favore seksuale një studenteje.

Emisioni investigativ Stop publikoi në puntatën e sotme rastin e pedagogut Himci, i cili i kërkonte favore seksuale një studenteje në këmbim të marrjes së disa lëndëve ku ajo ishte mbetëse.

Në videon e publikuar pedagogu Denis Himci shfaqet me një makinë tip Audi, ndërsa tregohet këmbëngulës duke i bërë komplimente dhe duke i premtuar vajzës veç marrjes së provimeve, edhe dhurata gjithashtu.

“Mallkuar ai që nuk të do ty, të çoj unë për ndonjë masazh. Zëre se unë jam engjëlli yt dhe do t’i plotësoj të gjitha nga A-ja te Zh-ja”, dëgjohet të thotë ndër të tjera pedagogu në video.

Loading...
Loading...