Vogëlushi shqiptar pushton ekranin e “Time Square” në New York
Transmetuar më 17-09-2019, 11:35

Vogëlushi nga Kosova, Beni Godeni ka qenë protagonist i ditës së djeshme në New York. Fotoja e tij është publikuar gjatë gjithë ditës në ekranin gjigant të “Times Square”.

Në njërën nga fotografitë, Beni shihet bashkë me Fjolla Rracin, që në mënyrë vullnetare ndihmon fëmijët dhe të rriturit me Sindromën Down dhe ata me autizëm.

Fotografia e pesëvjeçarit Beni Godeni u përzgjodh në mesin e 100 më të mirave në konkursin e përvitshëm të Shoqatës Ndërkombëtare të Sindromës Down.

Mediat kosovare shkruajnë se nëna e Benit, Gresa ka qenë bashkë me të birin për ta përjetuar këtë moment shumë emocionues, ku fotografitë e Benit kanë ‘pushtuar’ sheshin Times Square./b.l/noa.al/

Loading...
Loading...