“Ata më pyetën nëse isha anëtar i Boko Haram, kur thashë jo, ata filluan të më rrahin. Më lidhën duart dhe këmbët në një pemë ku ata vazhduan të më rrahnin. Ndonjëherë më linin të varur nga mëngjesi në mbrëmje dhe nganjëherë ata vinin të më ngacmonin. Disa prej nesh kanë thyer duart gjatë marrjes në pyetje ". Është historia e Saeed, një djalë 17-vjeçar Nigerian i kapur nga ushtria në Banki, një fshat afër kufirit verior me Kamerun.

Sadisu, një fëmijë tjetër i arrestuar nga forcat e sigurisë Nigeriane, tha se ai u arrestua për 43 ditë në burgun Bama, një qytet në shtetin Borno, në Nigerinë veri-lindore. Gjithashtu ai u akuzua si pjesë e grupit terrorist që nga viti 2009 ka mbjellë vdekje dhe shkatërrim në vendin afrikan.

Gjatë marrjeve në pyetje ai gjithmonë ka mohuar përfshirjen e tij me fondamentalistët islamikë. "Kur i thashë që nuk kisha lidhje me Boko Haram – tha i riu – ushtarët më rrahën dhe më rrahën me rripat e tyre".

Këto janë vetëm disa nga abuzimet që pësuan fëmijët dhe adoleshentët e arrestuar nga ushtria Nigeriane në luftën e saj kundër terrorizmit islamik. Dëshmitë e tyre dramatike u mblodhën nga Human Rights Watch (HRW). Në raportin e organizatës humanitare del një pamje e shkeljes sistematike të të drejtave më elementare të fëmijërisë.

Të mbajtur me muaj, në disa raste edhe me vite, pa prova të caktuara, në kazermat ushtarake të Giëa në Maiduguri, kryeqyteti i shtetit federal të Borno, të miturit thanë se kishin pësuar rrahje sistematike dhe dhunë të çdo lloji, për t’i detyruar ata të rrëfenin.

Autorët e keqtrajtimit, sipas deklaratave të viktimave, janë anëtarët e CJTF (Task Force e Përbashkët Civile, një milici e formuar nga civilë të bashkësive lokale të angazhuar për të luftuar Boko Haram). "Ushtarët, megjithatë, ishin gjithmonë të pranishëm," theksoi një nga të rinjtë e intervistuar nga HRW.

Kushtet çnjerëzore në qelitë me 300 të burgosur

Fëmijët e arrestuar ishin mbyllur në qeliza të mbipopulluara, ku kishte deri në 300 të burgosur të mbytur nga nxehtësia e padurueshme dhe kushtet higjenike të tmerrshme. "Era ishte aq e keqe – tha Sani, një ish i burgosur – kjo më bëri që të humbas vetëdijen. Ne i përdorëm rrobat për të mbuluar gojën dhe hundët, por nuk ndihmoi shumë pasi rrobat ishin të ndyra ".

"Kishte vetëm një tualet për qindra të burgosur – tha Malam, një i mitur tjetër – dhe kur tualeti nuk po funksiononte, ne përdorëm një kovë. Ndonjëherë, megjithatë, nuk kishte as ujë, kështu që ne ishim pranë feces tonë edhe për disa ditë ".

Sipas Kombeve të Bashkuara, midis janarit 2013 dhe marsit 2019, forcat e armatosura Nigeriane arrestuan mbi 3.600 fëmijë, duke përfshirë 1.617 vajza, për anëtarësim të dyshuar në grupe të armatosura jo-shtetërore.

Asnjë prej fëmijëve, saktëson raporti HRË, nuk u paraqit para gjyqtarit, siç kërkohet me ligj. Vetëm një nga të akuzuarit u ndihmua nga një avokat. Më i riu ishte vetëm 5 vjeç në kohën e kapjes.

"Fëmijët janë mbajtur në kushte të tmerrshme për vite me rradhë, me pak ose aspak dëshmi të marrëdhënieve me terroristët islamikë dhe pa u sjellë as në gjyq," tha Jo Becker, drejtor i HRW për mbrojtjen e të drejtave të fëmijëve./b.l/noa.al/