Presidenti i Çekisë: Po shohim mundësinë e tërheqjes së njohjes së Kosovës si shtet
Transmetuar më 11-09-2019, 15:23

“Unë nuk mund të imponojë pozicionin tim, por ajo që mund të bëjë është që të japë një muaj kohë për konsultime të autoriteteve, rreth asaj nëse është e mundur ta tërhqim njohjen”, kështu është shprehur Presidenti i Çekisë, Millosh Zeman gjatë vizitës së tij në Beograd.

Zeman, ka mbërritur dje në Serbi ku u prit nga presidenti Aleksander Vuçiç të cilit i tha nën zë se nuk i pëlqente Kosova.

Presidenti Zeman, roli i të cilit në Çeki është vetëm ceremonial, e ka pranuar se për një gjë të tillë duhet të vendosin institucionet e tjera të shtetit, duke shtuar se nuk mund të imponojë qëndrimin e tij.

Zeman ka thënë se shpreson që të marr përkrahje nga Ministri i Mbrojtjes, Lubomir Mentar, i cili kishte deklaruar se ishte një gabim diplomatik, vendimi për njohjen e pavarësisë së Kosovës.

“Ai me siguri do të jetë në anën time, kush do të jetë në anën tjetër, do ta shohim”, ka thënë Zeman.

Ndër të tjera Zeman ka thënë që një vend i cili drejtohet nga “njerëz të luftës”, nuk duhet të jetë pjesë e komunitetit të vendeve demokratike.

Republika Çeke është ndër 22 vendet anëtare të Bashkimit Evropian që e kanë njohur Kosovën./b.l/noa.al/

Loading...
Loading...