Shkarkimi i Metës, deputetët e Opozitës në Kuvend vlerësojnë rolin këshillues të Komisionit të Venecias
Transmetuar më 10-09-2019, 15:27

Sot, në ambientet e Kuvendit të Shqipërisë, deputetë përfaqësues të grupeve parlamentare të opozitës zhvilluan një takim me Delegacionin e Komisionit të Venecias, i cili ndodhet në Tiranë me kërkesë të Kuvendit të Shqipërisë, në kuadër të aktivitetit të Komisionit Hetimor Parlamentar “Për kontrollin e ligjshmërisë së veprimeve të kryera nga ana e Presidentit të Republikës së Shqipërisë, në kuadër të ushtrimit të kompetencave të tij lidhur me zhvillimin e zgjedhjeve për organet e qeverisjes vendore”.

Opozita e re udhëhiqej nga dy ish-deputetët e PD-së, që refuzuan djegien e mandatave, Rudina Hajdari dhe Mylsym Murrizi.

Sipas zyrës për shtyp të Kuvendit, "deputetët e pranishëm vlerësuan rolin e rëndësishëm këshillues të Komisionit të Venecias në mbështetje të Komisionit hetimor, si dhe shkëmbyen pikëpamje mbi situatën aktuale politike në Shqipëri dhe mbi rolin që deputetët e Kuvendit të Shqipërisë kanë në zgjidhjen e ngërçit politik në vend./a.m/NOA.al

Loading...
Loading...