Nga Lutfi Dervishi: Paradokse shqiptare, jemi më shumë në Facebook se në atdhè
Transmetuar më 05-09-2019, 19:18

1.Facebook dhe Instagram të bëjnë xheloz për veten. Sheh tjetri jetën e vet on line dhe ulëret: pse të mos jetoj edhe unë kështu?

2.Facebook dhe instagram na sjellin afër njerêzit që janë larg dhe na largojnë njerêzit që kemi afër!

3.E ndërroi emrin kur shkoi emigrant në Greqi, ndërroi mbiemrin kur u fut në politikë dhe ndërroi emër mbiemër kur u fut në … Facebook

4.Facebook na bëri që të mos lexojnë më gazeta, të shohim gjithnjë e më pak televizion dhe të mos ia hedhin më sytë njëri- tjetrit!

5.Kemi 2.7 milionë banorë dhe 2.8 milionë llogari shqiptare në facebook.

6.Për të shpalosur budallallëkun dhe harbutllëkun sot mjafton vetëm një llogari në facebook dhe një telefon i mençur.

7.Sa herë lexoj disa komentues anonime në Facebook më merr shumë mall dhe admiroj shumë qentë që dikur lihnin në kazanat e plehrave.

8.Kur lexon shqipen në rrjete sociale bindesh se gjuha shqipe duhet bërë lëndë e detyrueshme të paktën deri te ata/ato që aspirojnë për doktoraturë.

9.Është koha që kujdesemi shumë për trupin, jo vetëm pse është i vetmi vend që kemi për të jetuar, por mbi të gjitha se na duhet ta nxjerrin në Instagram!

10.Sikur të njihnim vetë veten po aq mirë sa na njeh edhe facebok-u!

Loading...
Loading...