Shqipëria, një yll i ri premtues në muzikën Europiane pas triumfit në “New Wave 2019” (Video)
Transmetuar më 30-08-2019, 17:04

Inis Neziri duhet të ishte prej kohësh personazhi i ditës, i javës, i muajit, apo edhe i vitit në Shqipëri.

Shpeshherë talenti në vendin tonë, edhe kur shpërthen dhe vlerësohet nëpër botë, sërish nuk bën edhe aq përshtypje.

Në vitin 2017 ajo u rendit e treta në Festivalin e Këngës në RTSH.

Vitin e kaluar ajo fitoi Festivalin e "Golden Stag" në Rumani.

Dhe këtë vit këngëtarja shqiptare Inis Neziri ka korrur një fitore tjetër të madhe në Rusi, duke marrë çmimin më të lartë në konkursin muzikor "New Wave".

Konkursi që zhvillohet çdo vit në Soçi, Rusi,  synon të nxjerrë më të mirët e muzikës mbi talentët e ardhshëm nga e gjithë bota. Ishte Inisi nga Shqipëria ajo që bëri përshtypje të madhe dhe bindi jurinë e publikun artdashës, si zëri më i mirë nga të gjithë përfaqësues e tjerë.

Këngëtarja 18-vjeçare performoi një numër këngësh të saj gjatë javës.

Ajo shpejt u kthye në këngëtaren e preferuar nga publiku, duke zënë vendin e parë me 281 pikë.

Këngëtari i Eurovizionit 2018 të Azerbajxhanit Aisel nuk bëri paraqitjen e duhur.  Këngëtari "My X My Heart ” u rendit në vendin e tetë, me 234 pikë.

Anna Maria – e cila u pa për herë të fundit në finalen e diskutueshme të Ukrainës, 2019, – u rendit e pesta me 243 pikë.

Ndërsa vendi i tretë shkoi për Iliana Sanchez të Kubës.

"New Wave" ka një lidhje të fortë me garuesit e Eurovision, si e kaluara ashtu edhe e ardhmja. Konkursi u fitua më parë nga Sergey Lazarev (si pjesë e duetit pop Smash !!!), Intars Busulis, Jamala, Natalia Gordienko dhe DoReDos. Ata të gjithë vazhduan ta përfaqësojnë vendin e tyre në Eurovision – dhe në rastin e Jamalës, e fitoi atë.

Inis Neziri u bë e njohur në Shqipëri për pjesëmarrjen e saj në konkursin e këngëve për fëmijë "Gjeniu i Vogël" dhe festivali Kënga Magjike. Ajo debutoi te Festivali i 56-të i Këngës në RTSH, në vitin 2017 ku interpretoi me “Piedestal".

Zuri vendin e tretë, pas Eugent Bushpepa dhe Redon Makashi.

Vitin e kaluar Inis udhëtoi për në Rumani për konkursin "Golden Stag". Ajo solli në shtëpi çmimin e madh. Me yllin e ri të muzikë Europiane, Inis, e cila po shkëlqen më shumë se kurrë, a do të jetë viti 2020, viti i saj në Eurovision? Pas këtij suksesi Inis për përgatitet për Festivalin e Këngës në RTSH, me siguri për vendin e parë./a.m/NOA.al

Loading...
Loading...