Ditën e djeshme u raportua se dy turiste, njëra gjermane dhe tjetra polake, ishin zhdukur në rajonin malor të Alpeve Shqiptare (Bjeshkët e Nemuna).
Raportohet se dy turistet e huaja janë gjetur shëndoshë e mirë.
Raif Gjikolli, Kryetari i Shoqatës Bjeshkatare të Gjervicës, Pejë ka deklaruar se pas kërkimit të bërë nga Policia e Kosovës në bashkëpunim më autoritetet malazeze, është bërë i mundur zbulimi i vendndodhjes së turisteve.
Mediat kosovare raportuan më herët se vajzat kanë hyrë për në Mal të Zi nëpërmjet Vërmoshit.
Policia ishte vënë në kërkim të tyre, por duke ditur terrenin e vështirë të Alpeve Shqiptare, gjetja e tyre ishte mjaft e vështirë.
Dy vajzat qëndruan për disa ditë në Shqipëri dhe mesa duket udhëtimi nuk ka shkuar ashtu siç e prisnin.