“Teatri”, Rama ndan mendimin e Artan Imamit: Nuk më zë gjumi nga qejfi, për godinën e re
Transmetuar më 01-08-2019, 11:34

Kryeministri Edi Rama vijon të ndajë mendimet e aktorëve të ndryshëm lidhur me çështjen e shembjes së Teatrit Kombëtar dhe ngritjen e një godine të re.

Ditën e sotme ai ka shpërndarë një qëndrim të aktorit Artan Imami, lidhur me këtë çështje.

Rama thotë se Artan Imami është një tjetër protagonist tanimë i hershëm i skenës së Teatrit Kombëtar, i cili është ngjitur në atë skenë qysh “kalama”, si një ndër talentet më të spikatura të gjeneratës së re të viteve ‘80 dhe sot ai ka një opinion të qartë në debatin për të ardhmen e godinës së Teatrit Kombëtar.

Në qëndrimin e tij Imami thotë se është nevojë emergjente ngritja e një godine të re.

Më poshtë qëndrimi i Artan Imamit

Shpreh dakordësinë dhe nevojën emergjente për një godinë të re të Teatrit Kombëtar.

Një godinë e cila t’u shërbejë artistëve dhe mbi të gjitha publikut, i cili edhe pse në kushte tërësisht të papërshtatshme, për asnjë moment nuk e ka braktisur skenën e teatrit. Teatri Kombëtar duhet të shfrytëzohet vetëm dhe vetëm për godinën e re të Teatrit Kombëtar, duke mos cenuar tjetërsimin e asnjë pjese të kësaj prone.

Mua nuk më zë gjumi nga qejfi se do të bëhet një teatër i ri modern, në vend të këtyre pamjeve të tmerrshme që shohim me gjendjen aktuale. Më vjen ndër mend një takim i vitit ‘87 apo ‘88 me Ismail Kadarenë dhe ndërkohë që po bisedonim, dikush e pyeti se si duket niveli i teatrit. Ai ia kishte ngulur sytë në një qoshe të tavanit, ku po binte suvaja dhe thotë: Po ja, ashtu si kjo godinë. /a.y/noa.al

Loading...
Loading...