Dy lëkundje të forta tërmeti janë ndjerë sërish në Korçë.
Në njoftimin të saj Ministria e Mbrojtjes konfirmoi rënien e tërmetit, duke iu referuar Institutitit të Gjeoshkencave, Energjise, Ujit dhe Mjedisit.
IGJEUM sqaroi tërmeti i rënë është me magnitudë 4.7 shkalla rihter dhe me epiqendër 3.4 km, në jugperëndim të Dardhës, Korçës. Ndërkohë më herët ra një tërmet tjetër me magnitudë 4.5 ballë.
Nga raportimet e strukturave të Emergjencave Civile të Njësive Vendore deri tani nuk ka dëmtime materiale dhe as në njerëz. Por paniku i njerëzve ka qenë i madh, pasi kjo zonë u godit dy muaj më parë.
Tërmetet e sotme ndodhin në të njëjtën zonë, ku dy muaj më parë pati lëkundje të forta sizmike në Floq e në Qafzez, nga ku u shkatërruan tërësisht më shumë se 100 banesa dhe dhjetëra të tjera u dëmtuan pjesërisht.
Lëkundjet e sotme si për ironi vijnë pas debateve e përplasjeve politike, pasi Presidenti Ilir Meta u kërkoi institucioneve të sigurisë përmes një letre dy ditë më parë, nëse ishin marrë masa konkrete. Lëkundjet e tërmetit në Ballkan, sqaroi Meta, ishin paralajmëruar nga sizmologët grekë, aty ku tërmeti tronditi pak ditë më parë edhe Athinën. /a.m.noa.al/