Transmetuar më 21-07-2019, 09:05

Diskutimet për Topin e Artë akoma nuk e kanë arritur kulmin, me trofeun që do të jepet në fund të vitit kalendarik. Virgil Van Dijk dhe Leo Messi janë dy kandidatët kryesorë për të fituar çmimin më prestigjoz në nivelin personal.

Në një intervistë, Van Dijk na dëshmon se ka filluar t’i pëlqejë ideja se mund të fitojë Topin e Artë, ndryshe nga ç’tha pas finales së Champions League.

Mbrojtësi deklaron se është koshient që ka bërë një sezon të madh dhe mendon se ka ardhur koha ta fitojë një mbrojtës atë çmim.

“Është nder që njerëzit flasin për mua në garën për Topin e Artë, por unë nuk kam asgjë në dorë. Nuk e mohoj se kam pasur një sezon të mirë atë të kaluarin, por e vetmja gjë që mund të bëj tani është fokusi në sezonin e ri.

E kuptoj faktin se sulmuesit apo numrat ‘10’ fitojnë këto çmime sepse janë më të bukur për t’u parë. Megjithatë, mendoj se ka ardhur koha ta ndryshoj atë”, u shpreh 28-vjeçari.