Angli, bandë me 12 shqiptarë të zhytur në krime
Transmetuar më 16-07-2019, 00:30

Janë vënë në pranga 12 anëtarë të “bandës së krimit të organizuar në shkallë të gjerë”, përgjegjëse për furnizimin e qytetit të Londrës me kokainë.

Policia e qytetit të Londrës thotë, se “kanë ndërprerë” aktivitetet e bandës, të cilët kishin një sistem të shpërndarjes së “korrierëve” dhe “kontrolluesve”, të cilët dërgonin drogën tek punëtorët në Londër.

Policia ka qenë në hetim të kësaj bande për tetë muaj, dhe arriti të vërë nën pranga tetë prej korrierëve, dy kontrollorë, si dhe dy persona të tjerë të implikuar.

Në total, policia konfiskoi 1,2 kg drogë, me një vlere prej rreth 144,000 paund, si dhe 20,000 paund, para kesh.

Gjithashtu janë konfiskuar dy telefona që i përkisnin dy kontrollorëve. Detektivi Lee Johnson, i cili drejtoi operacionin tha se:

“Shumë individë që shpërndajnë drogë në kryeqytet janë njerëz të rinj që po shfrytëzohen. Shumë njerëz nuk e kuptojnë, por paratë nga shitja e drogës mund të përdoren për të financuar vepra të tjera të rënda kriminale.”

“Ky operacion ka qenë jashtëzakonisht i suksesshëm, arrestimi dhe dënimi i këtyre individëve tregon një mesazh të fortë, si për njerëzit që vijnë në qytet për të shitur drogë, ashtu edhe për ata që e blejnë dhe konsumojnë”, ka shtuar ai.

Gazeta “My London” ka publikuar ditën e sotme një artikull, rreth bandës kriminale, ku 12 pjesëtarët e saj ishin shqiptarë, të cilët trafikonin kokainë në Londër. Po ashtu dolën dhe fotot e tyre që i gjeni në galeri.

Të arrestuarit, fotot e të cilëve i gjeni të gjitha në galeri, janë Fabio Domi 21 vjeç, Mario Prendi, 21 vjeç, Dritan Jella 33 vjeç, Bledar Xhani, 23 vjeç, Klevis Drazhi 20 vjeç, Fjoralb Fera 21 vjeç i njohur si Leitnanti, Albi Hoxha 24 vjeç, Erdi Nezaj 25 vjeç, Halil Shehu 22 vjeç, Emirjan Demiraj 22 vjeç, Klajdi Qyra 22 vjeç dhe Bledar Ponari 28 vjeç i njohur po ashtu si Leitnant.

Loading...
Loading...