E përdhunuar nga i ati deri në  katër herë në ditë që kur ishte 6 vjeçe. Pastaj në moshen 11 vjeçare shtatëzania e parë.

Është kjo historia, që Shannon Clifton nga Britania e Madhe, sot 18-vjeçe, ka vendosur t’ia tregojë shtypit vendas, që të mësojnë çfarë i ka bërë ai, që në fakt duhet ta mbronte më shumë se asnjë në botë.

" Herën e parë që më ka përdhunuar kam qenë 6-vjeçe dhe ka ndodhur në dyshemenë e shtëpisë", kujton për Daily Mirror vajza, në një intervistë të gjatë.

Ka nisur në atë moment kalvari i cili ka zgjatur plot tetë vite. Kur në moshen 11 vjeçare ka zbuluar se ishte shtatzënë, i ati Shane Ray Clifton, e ka rrahur aq fort sa e ka lënë pa ndjenja dhe si pasojë ka humbur edhe fëmijën.

Pas 2 vitesh, kur ishte 13 vjeçe, shtatëzania e dytë. Edhe këtë herë babai përbindësh e detyronte vajzën të bëntë ushtrime fizike të rënda që të mund të abortonte, por pa sukses. Në muajin e nëntë, një infermiere që punonte në shkollë i tha të bëntë nje test shtatzanie.

Në atë pikë, Shannon e terrorizuar i tregon çdo gjë të atit, i cili vendos të arratiset.

Kështu filloi një kërkim i vertetë për të gjetur burrin, por që përfundoi pas një jave, kur forcat e policisë gjetën vajzën që kishte lindur një djalë, njëkohësisht edhe vëllain e saj.

I ati është arrestuar në 2015 dhe ajo, që sot është 18 vjeçe , ka vendosur të nxjerrë në dritë atë çfarë ka kaluar, ndërsa fëmija që ka lindur është adoptuar nga një familje tjetër.

"Më ka vjedhur dhe shkatërruar jetën. Për shumë vite kam jetuar në terror dhe dhimbje. E urrej, por njëkohësisht nuk mund ta harroj, sepse ka qenë i vetmi person ku une mund të mbështetësha gjatë fëmijërisë sime ", rrëfen ajo.

Siç mëson noa.al, deri në perdhunimin e parë jeta e saj ka qenë e qetë, por pas divorcit të prindërve diçka ka ndryshuar.

"Doja të qëndroja me të, kështu shkova të jetoj në shtëpinë e tij. Por u bë i dhunshëm, jo vetëm seksualisht, më ka qëlluar me një çekiç, më ka grushtuar dhe më ka djegur me hekur rrobash. Më thoshte se ishte normal, se të gjithë baballarët u bënin ato gjëra vajzave të tyre dhe se ky ishte sekreti ynë i vogël. Isha e shkatërruar. Kam tentuar vetrasjen kur isha 16 vjeçe. Pastaj fillova të marr në dorë jetën time, falë edhe familjes time të re adoptuese ", tregoi më tej ajo.

Në fund, Shannon bën një apel:

"Nuk do ta di asnjëhërë saktësisht pse im atë ka bërë atë që ka bërë, por qëllimi im tani është të ndihmoj viktima të tjera të abuzuara, që duke lexuar historinë time të mund të gjejnë ndihmën për të cilen kanë nevojë"./a.k/noa.al/