Vrau për gjakmarrje 6 vite më parë, kapet 53-vjeçari nga Fushë-Kruja
Transmetuar më 12-07-2019, 18:52

Policia e Durrësit ka arrestuar ditën e sotme një person të shpallur në kërkim për vrasje, i dënuar me 35 vite burg. I arrestuari është shtetasi Skënder Baku, 53 vjeç, banues në Luz, Fushë Krujë.

Strukturat e Drejtorisë Vendore të Policisë Durrës, në bazë të informacioneve të marra në rrugë operative për vendndodhjen e një personi të dënuar për vrasje, kanë zhvilluar dhe finalizuar me sukses operacionin policor të koduar “Revenge”, si rezultat i të cilit u bë e mundur edhe arrestimi i 53 vjeçarit.

Kapja dhe ndalimi i tij u bë pasi Gjykata për Krimet e Rënda,Tiranë, më datë 28.09.2015, e ka dënuar me 35 vjet burg, për veprat penale “Vrasje për gjakmarrje, kryer në bashkëpunim “dhe “Prodhimi dhe mbajtja pa leje e armëve luftarake dhe municionit”.

Ky shtetas më datë 01.09.2013 në qytetin e Fushë Krujës ka vrarë me armë zjarri shtetasin L.Sh. Materialet i kaluan Prokurorisë për veprime të mëtejshme./b.l/noa.al/

Loading...
Loading...