Ambasadori i Bashkimit Europian në Tiranë, Luigi Soreca, ka zhvilluar sot një takim me kryetaren e Këshillit të Lartë Gjyqësor, Naureda Llagami.
Lajmin e ka bërë të ditur vetë kryediplomati i BE përmes një mesazhi në “Twitter”, ku shkruan se është njohur me punën e thellë të KLGJ, në veçanti për ngritjen e Gjykatës së Lartë, anëtarët e së cilës ngecën në Vetting.
Sipas Sorecës, me rëndësi është që së shpejti Gjykata e Lartë të jetë funksionale dhe të bëjë një punë të shpejtë e me cilësi.
“Kryetarja e KLGJ, Naureda Llagami, më njohu sot me punën e thellë të Këshillit, në veçanti për hapjen e vendeve të lira të punës për Gjykatën e Lartë, për të cilën aktet rregullatorë tani janë në fuqi.
Është e rëndësishme që së shpejti të kemi një Gjykatë të Lartë funksionale, por edhe të balancuar në shpejtësinë dhe cilësinë e punës”, shkruan Soreca./b.l/noa.al/