Michael Jackson, si ka ndryshuar imazhi i tij 10 vjet pas vdekjes
Transmetuar më 25-06-2019, 23:48

Dhjetë vjet pas vdekjes se tij, admiruesit e Michael Jackson thonë se ai vazhdon të mbetet “Michael-i i madh”, pavarësisht akuzave për abuzime më të mitur që e kanë errësuar figurën e mbretit të popit.

Në shëtitoren e famës në Hollywood, ylli i këngëtarit legjendar vazhdon të shndritë fort, turistët admirojnë kërcimtarët e rrugës që nderojnë figurën e tij, ndërsa dyqanet e suvenireve shijojnë përfitime të mëdha, megjithe zhgënjimin e zemeratën qe ngjalli dokumentari “Leaving Neverland”, që dilte me pretendimin se Michael kishte abuzuar me fëmijë të mitur.

“Edhe pas transmetimit të dokumentarit nga HBO, unë pata po aq vëmendje nga njerëzit, për të mos thënë më shumë se përpara!!! Duket sikur e gjithë kjo solli efektin e kundërt, sikur ishte një lloj publiciteti. Nuk thonë kot: nuk ka publicitet te keq!”, tha Antoine Baynes, kërcimtar.

“Unë vetë nuk i besoj akuzat që kanë ngritur kundër tij. Them se lidhet çdo gjë me paratë dhe vëmendjen; njerëzit duan ta shfrytëzojnë figurën e tij edhe pas vdekjes”, tha Hooman Nazemi, turist holandez.

“Për mua Michael është Michael, nuk ka të dytë!”, tha Sheyla Potes, turiste nga Panamaja.

Statuja prej dylli e Jackson vazhdon të mbetet një prej objekteve që tërheq me shume vizitorë.

Ylli i popit ndërroi jetë 25 qershorin e vitit 2009 në Los Angeles. Dy vjet me vonë, një Gjykatë e gjeti mjekun e tij, Conrad Murray fajtor për vrasje pasi i kishte dhënë këngëtarit një mbidozë ilaçi Propofol për ta ndihmuar të flinte.

Loading...
loading...
Loading...