Njoftim i rëndësishëm mbi Lotarinë Amerikane, arsimi i nevojshëm për të qenë fitues
Transmetuar më 02-06-2019, 11:23

Arsimi rrit shanset për të qenë fitues të lotarisë amerikane. Ambasada e SHBA-së në Tiranë sqaron se arsimi që ka çdo aplikant do të merret për bazë para se të përzgjidhen si fitues për të marrë vizën amerikane.

Shkolla e mesme profesionale dhe ajo e lartë, por që përputhen me tregun e punës në Amerikë, janë ato që do kenë më shumë shanse.

Arsimimi i nevojshëm vijon si më poshtë:

“Aplikantët duhet të kenë mbaruar arsimin e mesëm me kohë të plotë që është i barasvlefshëm me arsimimin në të paktën një shkollë të mesme amerikane (4 vjeçare, me kohë të plotë, arsim i përgjithshëm). Diplomat e shkollës së mesme gjimnaz me kohë të plotë kualifikohen për lotarinë. Shkollat e mesme profesionale me kohë të plotë mund të kualifikohen nëse ato në thelb përputhen me kërkesat thelbësore të një të arsimi të mesëm me kohë të plotë të Shteteve të Bashkuara të Amerikës. Vendimi përfundimtar do të merret nga oficeri konsullor në ditën e intervistës për vizë.

Diplomat e shkollës së mesme me kohë të pjesshme – pa shkëputje nga puna, shkollat e natës ose ato me korrespondencë, përfshirë programet pesë vjeçare ose programet e gjata (me kohë të pjeshme, pa shkëputje nga puna, shkollat e natës ose me korrespondencë) nuk kualifikohen për programin e lotarisë.  Edhe nëse ju keni mbaruar një pjesë të shkollës së mesme në sistemin pa shkëputje nga puna dhe pjesën tjetër në sistemin me kohë të plotë, kjo diplomë nuk kualifikohet për programin e lotarisë.

Diplomat universitare kualifikohen për programin e lotarisë së DV-së”, thuhet në faqen zyrtare të ambasadë amerikane. /k.k/noa.al/

Loading...
loading...
Loading...