Gazetari i Ekonomisë, Klodian Tomori, i ftuar në emisionin A-Show, në News 24, ka komentuar shpenzimet e buxhetit të shtetit në  lidhje me tenderat e rrugëve.

Tomorri tha se shumë herë kostoja, ndryshon gjatë rrugës, duke shtuar se shpesh herë një gjë e tillë bëhet nga Qeveria.

Diku nga vera e vitit 2017, Qeveria shqiptare shpalli programin ndërkombëtar të rikonstrukturimit. Përmbante një listë të cilat u filtruan. Qeveria u detyrua të përzgjidhte projektet me kostot e tyre. Aty, kanë qenë të listuara projektet dhe rruga Milot-Balldren ishte 110 milion euro me kursin zyrtar. Fiks 7 muaj , të një projekti me një kosto zyrtare qeveria hapi tenderin dhe pamë që kostoja nga 110 milionë euro kishte kursyer 160 milionë euro.  U bë tenderi zyrtar dhe u shpall fituesi. Kur ne filluam të pyesnim se çfarë ndodhi,Qeveria pati justifikimin se kemi ndryshuar projektin dhe kemi bërë disa rrugë dytësore. Janë interesa që qeveria i paguan kompanive private për ndërtimin e rrugës.

Nga 110 milionë kostoja kapërcen në 2. 15 milionë euro për çdo kilometër rrugë. Është një kosto shumë e lartë dhe bëhet fjalë për një rrugë që nuk ka një çudi apo vështirësi. Në vendet e europës perëndimore varion nga 1-2 milionë. Ka ndodhur e njëjta gjë me gjithë projektet,  Orikum-Dukat. Në fillim u reklamua nga Orikum-Himar pastaj përfundoi në Orikum -Dukat, se çfarë kuptimi ka.”-u shpreh ai.

Pati shqetësim në ministri?

Nuk pati asnjë reagim nga Qeveria, por nga publiku. Njerëzit kanë filluar të kuptojnë që këto projekte janë çudi.

Pse FMN është shqetësuar?

Ka pasur një denomim të koncensioneve. FMN- ka kërkuar qeverisë të ndalojnë termin ‘oferta e pakërkuar’. Ofertat e pakërkuara nxjerrin kostot jashtë kontrollit. Letrat qepen në mënyrë të tillë që askush tjetër nuk  mund ta fitojë, ai që bën ofertën fiton edhe rrugën. Nëse do llogaritet rruga tjetër Thumanë-Kashar,vetëm për 4 rrugë shkoi kostoja 1. 4 milionë euro të cilat u anuluan.