Keni etje gjatë gjithë kohës? Ja arsyet pse ndodh
Transmetuar më 19-05-2019, 13:45

Është normale të ndiheni të etur gjatë ditëve të nxehta të verës apo pasi keni bërë ushtrime fizike. Por, nëse jeni vazhdimisht të etur, tregon se diçka nuk po shkon si duhet me trupin tuaj.

Duhet të pini mjaftueshëm ujë gjatë ditës në mënyrë që asnjëherë të mos ndjeni etje që do të thotë se nuk duhet të prisni që të jeni të etur që të pini ujë.

Nëse kuptoni se ndjeni etje më shpesh se normalisht, ja cilat mund të jenë shkaqet:

– Për arsyen e thjeshtë se nuk po konsumoni mjaftueshëm lëngje dhe jeni të dehidratuar.

– Konsumoni ushqime me përmbajtje të lartë kripe.

-Mund të jeni duke pirë ilaçe që ju shkaktojnë tharje të gojës.

Shkak tjetër: Mund të keni diabet

Diabeti e pengon trupin të tresë dhe të depozitojë sheqerin, dhe si pasojë rritet niveli i tij në gjak dhe në urinë. Pasoja kryesore e kësaj gjëje është urinimi i shpeshtë, pasi kjo është mënyra natyrale e trupit për të larguar sheqerin e tepërt. Tregoni kujdes pasi urinimi i shpeshtë dhe etja janë shenja të diabetit, për këtë arsye këshillohet të konsultoheni me mjekun. Vizita nuk zgjat shumë dhe nuk është e dhimbshme.

Mund të vuani nga sëmundjet autoimune

Disa sëmundje autoimune shkaktojnë tharje të syve dhe gojës dhe ju lënë me ndjesinë e të qenurit i etur. Mjekët thonë se nëse ndjeni etje dhe nuk pini asnjë ilaç që mund të jetë shkaktar i saj, ju mund të jeni duke vuajtur nga sindroma e Sjogrenit, që është një sëmundje autoimune që prek mëmbranën e mukozës, shkruan gazeta shendeti.

Vuani nga diabeti

Diabeti insidipus është një gjendje shumë e rrallë shëndetësore që shkaktohet nga një çrregullim i balancës së hormoneve dhe prek aftësinë e metabolizmit për të përpunuar ujin dhe kripën dhe shkakton etje ekstreme. Njerëzit me këtë sëmundje urinojnë gjatë gjithë kohës edhe kur nuk kanë sasi të tepërt uji në organizëm, kjo shkakton dehidratim tek ta.

Loading...
Loading...