Kryemadhi takon Pelosin: Më shumë gra në politikë, për ta bërë Shqipërinë shtëpinë tonë
Transmetuar më 16-05-2019, 09:53

Në vijim të qëndrimit në Shtetet e Bashkuara të Amerikës, kryetarja e Lëvizjes Socialiste për Integrim, Monika Kryemadhi, është takuar me kongresmenen Nancy Pelosi.

“Ishte kënaqësi e madhe të takoja Nancy Pelosin, Spikeren e Dhomës së Përfaqësuesve në Kongresin Amerikan, dhe të bisedoja me të mbi marrëdhënien e Shqipërisë dhe Shteteve të Bashkuara të Amerikës. Kryetarja Pelosi është një model shumë i fortë për të gjitha gratë në botë dhe veçanërisht në Shqipëri”, shkruan Kryemadhi.

Teksa ndan një fotografi me të ajo shton se kemi nevojë për më shumë gra e vajza në politikën shqiptare, për ta bërë Shqipërinë shtëpinë tonë.

“Pres me padurim për të vazhduar diskutimin me një grua kaq të fuqishme për mënyrën se si duhet të fuqizojmë marrëdhënien tonë me SHBA dhe të përfitoj nga eksperienca e saj për të ndërtuar një Shqipëri më të fortë”, thotë në mbyllje kryetarja e LSI. /a.y/noa.al

Loading...
loading...
Loading...