Kunati i deputeti socialist, Bashkim Fino ka rënë pre e grabitësve në qytetin e Librazhdit.

Ngjarja ka ndodhur 10 ditë më parë, por është mbajtur e fshehtë nga policia e cila pa njoftuar publikisht, ka ndërprerë daljen e komunikatave të përditshme në rrethe dhe të Republikës që derisa Sandër Lleshaj mori postin, prej shumë vitesh publikoheshin çdo ditë.

Banesa në fjalë i përket shtetasit Skënder Xhani, kunati i deputetit dhe ish-kryeministrit të PS-së.

Ngjarja ka ndodhur në lagjjen ‘Ushtaraku’, ndërsa raportohet se, shuma e grabitur është rreth 1.5 milionë lekë të reja.

Skënder Xhani njihet si një biznesmen në qytetin e Librazhdit, ndërsa mësohet se maskat kanë hyrë ditën në shtëpi në të cilën në momentin e ngjarjes nuk ka pasur asnjë person në banesë.