Shkoi për të peshkuar por u mbyt në Valbonë, nxirret nga lumi trupi i të miturit
Transmetuar më 13-05-2019, 12:56

Trupi i pajetë i një 12 vjeçari, i denoncuar i zhdukur prej pasdites së djeshme nga familjarët, u nxor sot nga lumi Valbona.

I mituri me inicialet J.D, 12-vjeç, banues në fshatin Dragobi, kishte shkuar për të zënë peshk rreth 200 m larg banesës së tyre, në lumin Valbona, dhe nuk ishte kthyer më.

Pas denoncimit për humjen e tij, Forcat e Policisë të Komisariatit të Policisë Tropojë së bashku me familjarët dhe banorët e fshatit, kanë vijuar kërkimet për gjetjen e të miturit, ku sot në orët e para të mëngjesit është bërë e mundur gjetja e trupit të pajetë të të miturit, në shtratin e lumit Valbonë, në vendin e quajtur “Ura e Dragobisë”.

Nga veprimet e para hetimore dyshohet se i mituri aksidentalisht ka rënë në lumë, ku për pasojë ka humbur jetën.

Materialet u referuan në Prokurorine e Rrethit Gjyqësor Tropojë, për hetime të mëtejshme, për ngjarjen aksidentale.

Loading...
loading...
Loading...