Zëvendës Ndihmësi Sekretari Amerikan i Shtetit, Matthew Palmer, thotë se Rusisë i leverdis një situatë e paqëndrueshme në Ballkan”.
“Eshtë koha që liderët në Ballkanin Perëndimor të kuptojnë rolin që kanë e t’i orientojnë vendet e tyre drejt Bashkimit Europian e NATO”-s, shprehet z.Palmer.
“Synimi amerikan, europian dhe i vendeve të rajonit është i njëjtë, përparimi. Por në anën tjetër, Moskës i leverdis më shumë që në shtetet e Ballkanit të ketë korrupsion e gjendje të paqëndrueshme”, – shprehet Palmer.
Zyrtari i Uashingtonit akuzon Rusinë se ajo dëshiron një rajon të ndarë e me tensione.
Në këtë pikë z.Palmer është edhe më pesimist pasi shpreh bindjen se rusët do të vijojnë me veprimet që kanë ndikim negativ.
Zv.Ndihmësi Sekretari Amerikan i Shtetit, Matthew Palmer, thotë se Rusia, tek institucionet e korruptuara, sheh portën më të mirë për një ndikim kaq negativ.
Gjithsesi z.Palmer premton se roli amerikan në Ballkan është dhe do të vazhdojë të jetë i madh.