Haradinaj takon aleatët e Bashës, zbulohet çfarë u diskutua
Transmetuar më 06-05-2019, 09:31

Kryeministri i Kosovës ka pritur në një takim një delegacion të partive opozitare të Shqipërisë.

Takimin e ka zbuluar vetë Haradinaj, duke publikuar disa fotografi nga takimi, por duke zbuluar edhe çfarë është diskutuar.

Kryeministri i Kosovës thotë se, bashkëpunimi ndërmjet partive politike të Kosovës me ato të Shqipërisë në të gjitha etapat e shtet ndërtimit ka qenë i frytshëm dhe në këtë aspekt, dialogu midis tyre vazhdon të jetë i hapur.

“Në kontekst të këtij dialogu, prita sot në takim Kryetarët e partive opozitare Fatmir Mediun, Agron Duka, Nard Ndoka dhe Vangjel Dule me të cilët u dakorduam se bashkërendimi i qëndrimeve është në interes të dy shteteve dhe qytetarëve tanë.

Është gjithmonë kënaqësi të bisedojmë për tema të interesit të përbashkët, në të mirë të zhvillimit tonë të brendshëm dhe rrugës tonë euro-atlantike.” /a.y/noa.al

Loading...
Loading...