Loading...
Bien drastikisht shitjet e Iphone, kompania Apple ul ndjeshëm çmimet
Transmetuar më 01-05-2019, 23:23

Shitjet e telefonëve të kompanisë Apple, Iphone, kanë rënë në shkallën më të ulët ndonjëherë, bazuar në të dhënat e tre muajve të parë të këtij viti.

Kjo kompani ka thënë se të ardhurat nga shitja e telefonëve kanë rënë me 17 për qind, në krahasim me periudhën e njëjtë të një viti më parë.

Nisur nga situata, kompania ka ndjekur për herë të parë një politikë të uljes së çmimeve aty ku nuk e përballon konkurrencën.

Shefi ekzekutiv i kompanisë Apple, Tim Cook ka thënë se shitjet janë rritur në fund të muajit mars, duke përfshirë Kinën, vendi në të cilin kompania ka ulur çmimet e produkteve për të rritur kërkesën.

Apple ka paralajmëruar se ulja e numrit të shitjeve të telefonëve të saj, sidomos në Kinë, ka qenë për shkak të konkurentëve të saj më të lirë siç janë Huawei dhe Xiaomi.

Në tre muajt e parë është thënë se vlera totale e fitimit ka arritur në 58 miliardë dollarë në krahasim me parashikimet e analistëve për 57.3 miliardë dollarë.

Pavarësisht shitjeve më të pakta të telefonëve, Cook ka thënë se në vazhdimësi është rritur kërkesa për produkte tjera të kësaj kompanie siç janë orët e mençura (smart watch).

Loading...
Loading...